La lucha por la verdad

Axh aloli yolb'al Tiuxh? A'xh aal kametze u evangelio, kametze u chitb'al, natchTiuxh, ti' ichitpu xaol jit ti' i chiju Iglesia, mamala pastores nik tchokon txumb'al ti'uva' la chiji xaol, ye'le tira elna'tb' ey, tan jit campaña politica vi yolb'al Tiuxh, taluva' mam txumb'al ni tchokoxe' tul la tcheji mol va' politico, U Iglesia, natckula'b' Tiuxhe, a'uva'e nik alaxik u mero la evangelio, pet jit bendición, taluva' nik ex ab'ivat atz nik exa tchus vi yolb'al Tiuxh, pet jit a vi consejo, atz vi testimonio naqu pastor nik ex ab'i.

Tan oq na vex t-va'q Iglesia, jitxh a' vi nuqul nik ex ab'i echetz ye'l axhe chitel axh. Ech nik tal s-eche tu evangelio según Juan 8:31 Oq lae tootzaqi vi nuqul, la chitp ex s-taan chiche.

Il vet campañas políticas xeetiya, yeela utch toksalu Iglesia xool, oq atva' hermano nikisa'e la b'en tu política, librekuxhtu', pero oq la tala, oqyeelab'ene toksa e voto s-vi hermanos, toq b'enoq in t-vat Iglesia chaqe, b'enoqna tan jitxhetz tetz tiuxhe, tul jitetz vet democraciae. Kametze u Democracia, u democracia a'e uva' según kuxh axh ja'l la b'en oksa a voto s-ti'. Oqtz la b'en va'qu hemano uva' ye' kat ex oksa a voto s-ti' ye'amaqe'. Axh pastor, jit a' b'enak'uul ti' ich'iju Iglesia, a' aal vi nuqul, oq ja'l la b'eni tan a' vi nuqul nik aale' b'enoqna. Echtal Jesús s-eche te inq'a tchuchi-sti' ¿K'axchuva' nike tab'i? B'enoqetz ex xe't Jesús, ya'ne tzq'blu' tul Taletz laku k'aqa Señor, atz ta'netz kuxh axhe u q'ijsaq xe't lu'. Echetze jit k'axb'isamal va' xaol niki b'anaxe' oq a' vi nuqul nik talax s-te.

Oqtz la motxb'en inq'a xaol tu Iglesia tan k'axxh nik tab'i, b'enoqna tan toqi ch'exka tib'e u mero la tetz Tiuxh, ye' txumun axh pastor oq o'vat'tchana xaol la kaj'i, tan jit a' toq til Tiuxh jatva'l tenam ati, pet a' toq til Tiuxh, a'ztikxh vi nuqul kata ala. Tan mamala kuxhvet txumb'al niki tchokoxe' tul la ch'ij inq'a Iglesia.

Nikuxhi xe'tvet xaol yuqpoq tu Iglesia, mamala música nik toksale', mam xaol niki chiib' ta'un música, elamkoq tiempo nik taq'ax teu música, tul va'oqtchen 10 minutos te vi yolb'al Tiuxh, atz a' etzitxaaku Iglesia iyolb'el vi yolb'al Tiuxh, pet jit taq'ax tatcha'vu xaol. Itenam Tiuxh, oq yuqpichil a sa', il circo ati, ilaq campañas políticas xe'tiya, oq música a sa', mamala conciertos nik tutche' tul kuxh chiib'oq, oq nika sa'e la yolon axh t-lenguas, ilaq Universidad ati tul kuxh al inq'a a txumb'al, pet yeela utchi la a yansa vi yolb'al Tiuxh s-tuch' tan jit saatcheb'al vi yolb'al Tiuxh, chitb'ale vi yolb'al Tiuxh. Oq nika sa'e la b'en axh t-amlika', oksa eeb' ti q'ab Jesús, yevete' ch'axhteu kantchaq tul ba'ana kam nik tal vi yolb'al Tiuxh, tan ta'nkuxh Jesús niki chitone '.